ကန်ရာသီဖွားတို့ရဲ့ တစ်သက်တာ ဘ၀ခရီးလမ်း( တစ်သက်တာဟောစာတမ်း )

             သေချာဖတ်နော် . . ကိုယ့်သူငယ်ချင်း၊ မိတ်ဆွေက ကန်ရာသီဖွား ဆိုရင်သူ့အကြိုက်လိုက်လျောလို့ရအောင် ။  သူငယ်ချင်းအကြံပေးပါရစေ . ။ ဒီစာမဖတ်ခင်  ဘေးနားမှာ ရေဘူးနဲ့ မုန့်နှစ်ခု၊ သုံးခု လောက်ထားပါ၊ ဗိုက်ဆာရင် စားရအောင်လို့ပါ. ။ဘာလို့ဒီလိုပြောလဲဆိုတာ ဖတ်ပြီးရင်သိလာပါလိမ့်မယ် . ။ အေးအေးဆေးဆေးဖတ်ချင်ရင်တော့ Copy ထားလိုက်ပါ . ။ မိမိသူငယ်ချင်းအကြောင်း ကိုအသေးစိတ်သိချင်သူများ အတွက် ဖတ်သင့်ပါတယ် . . . ။

(သြဂုတ်လ ၂၃ရက်ကနေ စက်တင်ဘာလ ၂၂ရက်ထိ )
 
ကန်ရာသီဖွားတို့၏ ပင်ကိုယ်သဘာဝနှင့် အကျင့်စရိုက်လက္ခဏာများ

    ကန်ရာသီဖွားများသည် ပင်ကိုယ်သဘာဝအားဖြင့် အတွေးအခေါ် ဉာဏ်ပညာထက်မြက်သော်လည်း စိတ်မငြိမ် စိတ်မြန်လွန်းတတ်၏။ ၎င်းအချက်ကို သတိပြုသင့်၏။ ကန်ရာသီဖွားများသည် အသိဉာဏ်ပညာ ထက်မြက်သူများ ဖြစ်ပေသည်။ စိတ်ခံစားချက် ပြင်းထန်သူများ ဖြစ်ပေသည်။ အစစအရာရာ စဉ်းစားပြီးပြုမူ၊ နေထိုင် လုပ်ကိုင်တတ်ကြသည်။ ဘ၀တွင် လူချစ်လူခင်များသည်။ စန်းပွင့်သည်။ ဘ၀တွင် ရွှေမရှား ငွေမရှား နေရတတ်သည်။ အနုပညာ ၀ါသနာကြီးသည်။ မိတ်ဆွေအပေါင်းအသင်းတို့ကို ခင်မင်တွယ်တာတတ်သည်။ လွတ်လပ်မှုကို အလွန်ကြိုက်သည်။ စည်းကမ်း ဘောင်တွေကို အလွန်မုန်းသည်။ ဘယ်တော့မှ မလိမ်တတ်၊ မညာတတ်သူများ ဖြစ်သည်။ စိတ်ထိခိုက်လွယ်သည်။ တဇွတ်ထိုးလုပ်ချင်တတ်သည်။ ဘယ်အခက်အခဲကိုမှ နောက်မဆုတ်၊ နောက်မတွန့် တတ်။ မြင့်မြတ်သော နှလုံးသားပိုင်ရှင်များဖြစ်သည်။ သို့သော် နှလုံးသားခံစားချက်ကို ဦးစားပေးလွန်းသည်။ ငွေကြေးမှအစ အခွင့်အလမ်းကိုမကြည့် စိတ်ခံစားချက်ကိုသာ အဓိကထား၍ ဆုံးဖြတ်ဆောင်ရွက်တတ်သည်။ ကိုယ်ယုံကြည်ရာကို ရဲရဲဆုံးဖြတ် လုပ်ကိုင်တတ်သည်။ သည်းခံနိုင်စွမ်းရှိသည်။ သို့သော် စိတ်ဆန္ဒစောသည်။ ကြာရှည်စောင့်ဆိုင်း လုပ်ကိုင်နေခြင်းမျိုးကို စိတ်မရှည်ကြသူများ ဖြစ်သည်။
  ကန်ရာသီဖွားတို့သည် ဉာဏ်ပညာအမြင့်မားဆုံး၊ အထူးချွန်ဆုံးသူများ ဖြစ်သည်။ (၁၂)ရာသီဖွားတို့တွင် ကန်ရာသီဖွား များသည် ဉာဏ်ပညာတွင် ထိပ်ဆုံးကဖြစ်သည်။ ဖြတ်ထိုးဉာဏ် အလွန်ကောင်းသည်။ အပြင်ပန်း ဘာသိဘာသာ နေတတ်ကြပြီး အလွန်အကွက် မြင်သည်။ ထိုးထွင်းဉာဏ် ကောင်းသည်။ ဘာသာစကားနှင့် စာပေအသိပညာတို့တွင် အတိတ်ဘ၀ ပါရမီထူးသူများ ဖြစ်သည်။ ကန်ရာသီဖွားများသည် ထက်မြက်သော ဉာဏ်ပညာကို စနစ်တကျ ကြိုးစားအသုံးချသွားပါက ဘ၀တွင်ထိပ်ဆုံးသို့ ရောက်နိုင်စွမ်းအောင် တော်ကြ၊ ထက်ကြသူများ ဖြစ်သည်။ ကိုယ့်အစွမ်းအစကိုသိဖို့၊ ကြိုးစားဖို့တော့လိုသည်။
    ကန်ရာသီဖွားတို့သည် ရိုးရိုးနှင့် တည်တည်ကြည်ကြည် ပြောဆိုလုပ်ကိုင်တတ်ကြသည်။ ထိုအသွင်သဏ္ဍာန်ကပင် ထူးခြားနေတတ်သည်။ ကန်ရာသီဖွားတို့သည် ငွေရှာတတ်သည်၊ ငွေရှာကောင်းသည်။ ထို့အပြင် ငွေအသုံးအစွဲ စည်းကမ်းကောင်းသည်။ လောင်းကစားကို ၀ါသနာသိပ်မပါတတ်ကြပါ။ သို့သော် စွန့်စားဝံ့ စွန့်စားရဲတတ်ကြသည်။ ဆုံးဖြတ်ပြီးက ပုံအောပြီးလုပ်ဝံ့ကြသည်။ ငွေကို အထူးချွေတာ သုံးစွဲတတ်ကြသည်။ ထို့အတူ ကန်ရာသီဖွား တို့သည် အလုပ်တွင်လည်း စည်းစနစ် ကောင်းကြသည်။ သူတစ်ပါး စိတ်မ၀င်စားသောအလုပ်တို့ကို စိတ်ဝင်စားတတ်ကြသည်။ ရိုးသားသူများကို ကူညီတတ်ကြသည်။ သဒ္ဓါတရားကောင်းသည်။ စိတ်ဆိုးမိက ခွင့်မလွှတ်တတ်ကြ။ ဟန်ဆောင်ခြင်းကို အလွန်မုန်းသည်။
       အထူးသဖြင့် ကန်ရာသီဖွားတို့သည် ဉာဏ်ပညာထက်မြက်ပြီး သိလွယ် တတ်လွယ်တတ်ကြသည်။ စာဖတ်၊ စာကျက်ရာတွင် မြန်သည်။ သဘောပေါက်လွယ်သည်။ မှတ်ဉာဏ် ကောင်းသည်။ စိတ်ဝင်စားရာကို စွတ်လုပ်တတ်ကြသည်။ ဘ၀တွင် စနစ်တကျ ကြိုးစားသွားက ထိပ်ဆုံးသို့ရောက်တတ်သည်။
        ကန်ရာသီဖွားတို့သည် အချို့ကိစ္စများတွင် စိတ်ထက်၊ စိတ် ကြီးပြီး၊ မာနကြီးတတ်ကြသည်။ မဟုတ်မခံမာန ဖြစ်သည်။ အပြောအဆို ချိုသာသည်။ ဘာမဆို ကိုယ်တိုင်လုပ်ရမှ ကျေနပ်ကြသည်။ အစွမ်းသတ္တိ ရှိသည်။ အသားအရေ လှပသည်။ စိတ်ကြီးသဖြင့် ခက်ထန်သလို ထင်ရသည်။ စည်းစနစ်ကြီးသဖြင့် အပေါင်းရခက်သလို ဖြစ်တတ်သည်။ တပည့်ကောင်း မရတတ်။ ကိုယ်သင်ပြ မြှင့်တင်ပေး၍ ထိပ်ရောက်သွားသူများရှိပြီး ကိုယ်ကို ပြန်မကြည့်တတ်ပါ။ စေတနာများများထားက စေတနာစော်ကားခံရတတ်သည်။ စိတ်ငြိမ်စွာထားပြီး ကြိုးစားကာ ကိုယ်တိုင်ထိပ်ဆုံးနေရာကို ရယူသင့်ပေသည်။

ကန်ရာသီဖွားတို့၏ အချစ်ရေးကိစ္စများ
    ကန်ရာသီဖွားတို့သည် အချစ်ကြီးသူများဖြစ်ကြပေသည်။ သို့သော် မေတ္တာကံခေသည်။ ကိုယ့်ကိုနားလည်ပေးသူ နည်းသည်။ ကိုယ့်သံယောဇဉ်ကြီးသူတို့နှင့် ခွဲခွာနေရတတ်သည်။ အထီးကျန်ဆန်တတ်သည်။ ကန်ရာသီဖွားတို့သည် နှလုံးသားသိမ်မွေ့ပြီး အချစ်ကြီးသည်။ အချစ်ကို ဦးစားပေးတတ်ကြသည်။ တစ်ဦးတစ်ယောက်ကို လွယ်လွယ်နှင့် မိတ်မဖွဲ့တတ်သလို သံယောဇဉ်တွယ်မိက အစွဲအလမ်းကြီးသည်။ နှလုံးသားနူးးညံ့သဖြင့် ခံစားရသောအခါ ပြင်းထန်သည်။ အချစ်ရေးတွင် ကံခေတတ်ကြသည်။ စန်းပွင့်သူ၊ ဆန့်ကျင် ဘက်ကို ဆွဲဆောင်နိုင်သူများ ဖြစ်သဖြင့် မျက်နှာများသလို ဖြစ်သွားတတ်သည်။ အချစ်ရေးတွင် မကြာခဏ ကြားအဖျက် ပေါ်တတ်ကြလေသည်။ ဆုံးဖြတ်ချက်မြန်သဖြင့် မှားတတ်ကြသည်။ အထူးသဖြင့် ကိုယ့်ထက်ငယ်သူများနှင့် မေတ္တာနှောင်ကြိုး သွယ်မိတတ်ကြသည်။

ကန်ရာသီဖွားတို့၏ အိမ်ထောင်ရေး
  ကန်ရာသီဖွားတို့သည် အလွန်စန်းပွင့်တတ်ကြ၏။ အိမ်ထောင်ရေးတွင်လည်း အများအားဖြင့် ကံကောင်းတတ်ကြ၏။ သို့သော် ကန်ရာသီဖွားတို့သည် ချစ်မေတ္တာကို ပွင့်လင်းစွာ မပြတတ်ပါ။ အချစ်ကြီးသလောက် သိုသိပ်နေတတ်၏။ ထို့ကြောင့် အိမ်ထောင်ရေး၌ ပြဿနာလေးတွေ ကြုံရတတ်ကြရ၏။ အရှက်အကြောက်ကြီးခြင်း၊ သိက္ခာထိန်းခြင်းတို့ကြောင့် ကိုယ့်အိမ်ထောင်ဖက်က ကိုယ့်မေတ္တာသံယောဇဉ်ကို သံသယ၀င်ခြင်း ခံရတတ်၏။ ထို့အပြင် ကိုယ်က ကိုယ့်အိမ်ထောင်ဖက်အပေါ် စည်းကမ်းဘောင်များဖြင့် စနစ်တကျ ချုပ်ကိုင်လို၏။ ကိုယ်က ကိုယ့်အိမ်ထောင်ဖက်အပေါ် စိတ်တိုင်းမကျဖြစ်နေတတ်၏။ ကိုယ့်အသိုင်းအ၀ိုင်းကလည်း ကိုယ့်အပေါ် သဘောမကျကြောင်း၊ စိတ်တိုင်းမကျကြောင်းတို့ကို မကြာခဏ အပြစ်ဖွဲ့ပြောခြင်းခံနေရတတ်၏။ သို့သော် အိမ်ထောင်ဖက်က ပါးစပ်ဖြင့် မည်မျှပြောစေကာမူ စိတ်ထဲကကျိတ်ပြီး ကိုယ့်ကို သဘောကျနေတတ်လေ၏။ ကိုယ့်အိမ်ထောင်ဖက်က ကိုယ့်အပေါ် အနိုင်ယူ၊ သြဇာပေးနေသည်ဟုလည်း ထင်နေတတ်၏။ အထူးသတိပြုရန်မှာ ကန်ရာသီဖွားတို့သည် ကိုယ့်အိမ်ထောင်ဖက်အပေါ် သည်းခံလိုက်လျောဖို့ မေ့နေတတ်ပြီး အမြဲလိုလို အရွဲ့တိုက်နေမိတတ်၏။ စိတ်လိုက်မာန်ပါ ပြုမူမိတတ်၏။ ကန်ရာသီဖွား တို့သည် သားသမီးကံ ကောင်းတတ်ကြ၏။ သားသမီးတို့အပေါ် အထူးအလို လိုက်တတ်ပေ၏။
     အိမ်ထောင်ပြုရာတွင် ကုံရာသီ၊ တပိုတွဲလဖွားတို့ကို အထူး ရှောင်ပါ။ အိမ်ထောင်ရေး အဆင်ပြေချောမွေ့ပါလိမ့်မည်။

ကန်ရာသီဖွားတို့၏ ကျန်းမာရေးအခြေအနေများ
  ကန်ရာသီဖွားများ ကျန်းမာရေးကောင်းပါသည်။ ကျန်းမာရေးညံ့လျှင် ခဏသာဖြစ်၏။ အပင်ပန်းခံမှုကြောင့် ကျန်းမာရေးညံ့တတ်၏။ ဗိုက်နာ၊ လေနာ၊ ရင်နာ၊ နှလုံး တုန်ရင်ခုန်၊ ဆီးရောဂါ၊ ခေါင်းကိုက်၊ ဇက်ကြောထိုးရောဂါတို့ အသေးအဖွဲမျှ ဖြစ်တတ်၏။ ကန်ရာသီဖွား အမျိုးသမီးများ မီးယပ်သတိပြုဆင်ခြင်ပါ။
      ကျန်းမာရေးညံ့က အနီရောင်ဆောင်ပါ။ မုန်လာ၊ ပေါင်မုန့်၊ ကွေကာအုတ်၊ သစ်ချသီး၊ ကြက်မောက်သီး၊ မင်းဂွတ်သီး စသော အခွံမာအသီးများကို ဓါတ်စာအဖြစ် မကြာခဏစားပေးပါ။ မကြာခဏ အနားယူပြီး နှစ်ခြိုက်စွာအိပ်ပါ။ ကျန်းမာရေး အထူးကောင်းပါမည်။

သဘာဝဘေးအန္တရာယ်များ
    ကန်ရာသီဖွားတို့သည် မြေပြို၊ တွင်းပြို၊ တောင်ပြို အန္တရာယ် ကြုံတတ်၏။ ကြုံတတ်သည်ဆိုသော်လည်း ယေဘုယျမျှသာ ဖြစ်၏။ ထိုအခြေအနေဖြစ်နိုင်သော ဒေသများသို့ ခရီးသွားခြင်း၊ ကျောက်တူးခြင်းစသည့် အနေအထားတို့တွင်သာ ဆင်ခြင်ပေးရပေမည်။ ကျန်အချိန်တို့တွင် စိုးရိမ်ရန်မရှိပါ။ ထို့ပြင် ကန်ရာသီဖွားတို့သည် ရေလမ်းခရီးသွားလာရာတွင် ဆင်ခြင်သတိရှိသင့်ပေသည်။

အလုပ်အကိုင်နှင့်စီးပွားရေး
   ကန်ရာသီဖွားတို့သည် ငွေရှာကောင်း၏။ ဉာဏ်ကောင်း၏။ ဖြတ်ထိုးဉာဏ်ကောင်း၏။ စွန့်စားရဲ၏။ အကြံကြီး၏။ ထို့ကြောင့် ဆင်းရဲက အောက်ဆုံး၊ ချမ်းသာကထိပ်ဆုံး ဖြစ်တတ်၏။ သို့သော် ငွေကိုမကြည့်ဘဲ ၀ါသနာယုံကြည်ချက်တို့ကိုသာ ကြည့်၏။ စိတ်စော ၏။ ခေါင်းမာ၏။ စွတ်လုပ်တတ်၏။ လက်အောက်ငယ်သားကောင်း အကျိုးမပေး။ ကိုယ်ကလည်း အငြိုးအတေးထား အရွဲ့တိုက်လို၏။ မထင်က မည်သူ့ကိုမျှမခေါ်၊ မာနကြီး၏။ ထို့ကြောင့် အလုပ်အကိုင်နှင့် စီးပွားရေးတွင် နစ်နာတတ်၏။ ရပ်ဝေးတွင် စီးပွားရှာရင်း အခြေချရတတ်၏။ အမွေရသလို၊ ထီပေါက်သလို ပွပေါက်တိုးပြီး ကြီးပွား တတ်၏။ ငွေရှာကောင်းသလောက် ငွေသုံးစည်းကမ်းကောင်း၏။ ငွေကိုအထူးချွေတာ စုဆောင်းတတ်၏။ အလုပ်လုပ်ရာတွင် စည်းကမ်းကောင်းသလောက် မနားမနေ တွန်းလုပ်တတ်၏။ အောင်မြင်မှု များစွာရတတ်၏။ အလုပ်အကိုင်ကြီများသာ လုပ်ချင်တတ်၏။
       ပန်းချီ၊ ပန်းပု၊ ဒီဇိုင်းပညာ၊ စတိုးဆိုင်၊ ရတနာလုပ်ငန်း၊ စာရင်းအင်းလုပ်ငန်းတို့ဖြင့် ကောင်းကျိုးပေးတတ်၏။ ဘ၀တွင် ငွေပေါ်တတ်ကြလေသည်။ ရွှေမရှား၊ ငွေမရှား နေရတတ်၏။ သဘင်အနုပညာဖြင့် အကျိုးပေးတတ်၏။ ကိုယ်ပိုင်လုပ်ငန်းဖြင့် ကြီးပွားတတ်၏။

ဘ၀ကံကြမ္မာ အနိမ့်အမြင့်အနေအထားများနှင့် ဆောင်မှု၊ ရှောင်မှုများ
       ကန်ရာသီဖွားတို့သည် အပြောင်းအလဲများစွာ ကြုံတတ် ကြ၏။ မာနကြီး၍ အခွင့်အရေးများ လက်လွတ်တတ်၏။ မိဘဆွေမျိုးတို့ အကူအညီ မရတတ်။ ဒုတိယအရွယ်နှင့် တတိယအရွယ်တွင် ကောင်းစားတတ်၏။ ကြီးပွားတတ်၏။ အိုဇာတာအလွန်ကောင်း၏။ အိုးပိုင်၊ အိမ်ပိုင်၊ တိုက်ပိုင်နှင့် နေရတတ်၏။ ဘ၀တွင် ငွေကြေးပြည့်စုံ ကြွယ်ဝမည်။ အတိတ်ဘ၀ ကောင်းကျိုးခံစားရမည်။ ထီပေါက်မည်။ အသက် (၂၀) ၀န်းကျင်တွင် အမွေရမည်။ အသက် (၃၈)နှစ်ဝန်းကျင်တွင် ထူးခြားသော ပြောင်းလဲမှုများ ကြုံရတတ်၏။ မထင်မှတ်လောက်အောင် အောင်မြင်တတ်၏။ အသက်(၇၉)တွင် ကျန်းမာရေးကို ဂရုပြုပါ။
        ကန်ရာသီဖွားတို့သည် ဘ၀တွင် လောကအမြင်ကို ဒဿန ဆန်ဆန် ရှုမြင်တတ်ကြ၏။ တရားကျတတ်၏။ သူတစ်ပါးကိုလည်း ဆုံးမတတ်၏။ သို့သော် အငြိုးအတေးကြီးခြင်း၊ စိတ်ကြီးခြင်း၊ တဇွတ်ထိုးစိတ်ရှိခြင်း၊ စာအုပ်ကြီးသမားဆန်ခြင်း၊ စိတ်လှုပ်ရှား လွယ်ခြင်း၊ အပြောချိုသလောက် စိတ်ခက်ထန်ခြင်းတို့ကို သတိဖြင့် ထိန်းပါလေ။
       ကန်ရာသီဖွားတို့သည် ဟန်ပန် တင့်တယ်ကြ၏။ ဥပဓိ ခန့်၏။ အလွန် ရှင်းလင်းသော အလှပိုင်ရှင်များ ဖြစ်၏။ အထူးသဖြင့် မေးရိုး ပါးရိုး ထူးခြား၏။ လေးထောင့်ကျကျနှင့် ထင်ပေါ်၏။ ထိုဥပဓိကို ချပ်ချပ်ရပ်ရပ်နှင့် ရိုးရှင်းစွာ ၀တ်ဆင်သင့်၏။ ပွယောင်းယောင်း၊ ဘိုသီဘတ်သီ မနေသင့်။ မျက်နှာကို တည်တည်ကြီး မထားသင့်။ လက်ပြင် မကုန်းသင့်။ ကျော့ကျော့မော့မော့ နေပါ။ အနက်ရောင် အထူးရှောင်ပါ။ ဆင်စွယ်ရောင်၊ အ၀ါရောင်၊ နံ့သာ ရောင်တို့ အထူးဝတ်ပါ။ အစိမ်းနု၊ အပြာနုဝတ်နိုင်သည်။ အဖြူဝတ်နိုင်သည်။ ငွေလက်စွပ် ၀တ်သင့်၏။ စိန်ကို ငွေဖြင့်ကွင်း ၀တ်ပါ။ ရွှေလည်း များများ ၀တ်နိုင်သည်။ အထူးသဖြင့် ကျောက်စိမ်းကို ဆောင်ထားပါ။ (၅) ဂဏန်းကို အဓိက သုံးစွဲသင့်သည်။ ကန်ရာသီဖွားတို့သည် ထီကိုမပြတ် ကံစမ်းသင့်ပေသည်။ စိန်လက်စွပ်ကို လက်ခလယ်တွင် ၀တ်ပြီး ကျောက်စိမ်းပါ တွဲဆောင်လိုပါက လက်သန်းကြွယ်တွင် ၀တ်နိုင်သည်။ စိန်ကို ငွေဖြင့် လက်စွပ်ကွင်းပြီး ၀တ်ပါ။
     စံပယ်ပန်းနှင့် နှင်းဆီပန်းအဖြူ၊ ကြာပန်းအဖြူတို့ကို ဘုရားလှူခြင်း၊ အလှပန်းအိုးထိုးခြင်းပြုနိုင်၏။ အေးချမ်းသာယာမှု ဖြစ်စေတတ်၏။ အစစအဆင်ပြေကာ အောင်မြင်မှု ရစေတတ်ပေ၏။
       ဉာဏ်အားဖြင့် အလွန်ကောင်းသော ကန်ရာသီဖွားတို့သည် သီးသန့်နေလိုစိတ် ပြင်းထန်ခြင်း၊ စိတ်ကြီးခြင်း၊ စိတ်မြန်ခြင်းတို့ကို ဆင်ခြင်ကာ ဉာဏ်စွမ်းကောင်းသမျှ တည်တည်ငြိမ်ငြိမ် အသုံးချဆောင်ရွက်သွားပါက ဘ၀တွင် ထိပ်ဆုံးသို့ ရောက်သွားတတ်ကြပေ၏။

ကန်ရာသီဖွားတို့ရဲ့ ပုံစံအနေအထားများ
သေသေသပ်သပ်ဝတ်၊ စံနစ်တကျနေထုိုင်၊ အဆင့်အတန်းမြင့်တဲ့ အပြောအဆုိုတုို့ ကြောင့် ကန်ရာသီဖွားများဟာ မြင်လုိုက်ရင် ပစ်ကျချင်စရာအောင် အထင်ကြီးစရာဖြစ်ပါတယ်။ အရာရာကုို အသေးစိတ်မြင်တတ်တဲ့ အကျင့်ကြောင့် ညစ်ပတ်တာ၊ အချိူးမကျတာ၊ အမြင်မတော်တာ၊ စကားအပြောအဆုိုညစ်ညမ်းတာ ဘာကုိုမှ လက်မခံပါဘူး။ အလှကြိုက်၊ အသန့် ကြိုက်၊ ကျန်းမာရေးကုို လွန်စွာ ဂရုစိုက်သူများ၊လည်းဖြစ်ကြပါတယ်။
မိမိကုိုယ်တုိုင်သာမက မိမိရဲ့ ပတ်ဝန်းကျင်ကုိုပါ ပြီးပြည့်စုံအောင် အမြဲကြိုးစားနေတဲ့ အတွက် ဘာကုိုမှ စိတ်တုိုင်းကျသူမဟုတ်သလုို၊ တဖက်သားကုို စေ့စေ့စပ်စပ် ဝေဖန်ရှုတ်ချတာမျိူး ကုို မကြာခဏပြုလုပ်လေ့ရှိတတ်ပါတယ်။ ငယ်ရွယ်တဲ့ ကန်ရာသီဖွားများကုို မဆင်မခြင် ဝေဖန်ရှုတ်ချသူများအဖြစ် မကြာခဏတွေ့ ရတတ်ပါတယ်။ ရင့်ကျက်တဲ့ ကံရာသီဖွားများကတော့ နည်းနည်းပုိုပြီး ပါးနပ်ပါတယ်။ မကြိုက်တာတွေကုို ထုတ်ပြောမှာ မဟုတ်ပဲ လုံးဝ ရှောင်လွှဲသွားတတ်ပါတယ်။

ကန်ရာသီဖွားတို့ရဲ့ စိတ်နေသဘောထားနှင့် ဘ၀ပန်းတိုင်
အကူအညီလုိုသူ၊ အခက်အခဲတွေ့ နေသူတွေကုို ကူညီတတ်တာဟာ ကန်ရာသီဖွားတုို့ ရဲ့ ဝါသနာဖြစ်ပါတယ်။ ကန်ရာသီဖွားများဟာ ဘ၀ရည်မှန်းချက်ကြီးသူများ၊ မနားမနေကြိုးစားနေသူများ၊ ဖြစ်သလုို တဖက်ကလည်း အခက်အခဲတွေ့ နေသူများကုို လက်တွဲခေါ်ယူလေ့ ရှိပါတယ်။
ကံရာသီဖွားတွေရဲ့ ဘ၀မှာ အောင်မြင်မှုဆုိုတာ တဖက်သားကုို အုပ်ချုပ်ရခြင်း၊ အပေါ်စီးရခြင်း ဆုိုတဲ့  အောင်မြင်မှုမျိူးမဟုတ်ပဲ တခုခုကုို သေသေချာချာ ပြီးမြောက်အောင်မြင်ခြင်းမျိူးဖြစ်ပါတယ်။ ခေါင်းဆောင်ကောင်းတစ်ယောက်ဖြစ်လာဖုို့ ထက် အများအတွက်အကျိူးဖြစ်ထွန်းစေမဲ့  အရာတစ်ခုခုကုို ကျိူးစားဆောင်ရွက်ခြင်းဟာ ကံရာသီဖွားများရဲ့ အဓိက ရည်မှန်းချက်ပန်းတုိုင်ဖြစ်ပါတယ်။ တဖက်သားကုို အကျိူးပြုနုိုင်သရွေ့ ၊ တဖက်သားက လုိုလားနေသရွေ့ ကံရာသီဖွားဟာ ပျော်ရွှင်မှု ရရှိနေမှာ ဖြစ်ပါတယ်။
ရုပ်ပုိုင်းဆုိုင်ရာအရ လှပခြင်း၊ သန့် ရှင်းခြင်း၊ ကျန်းမာရေးနှင့် ညီညွှတ်ခြင်း၊ လေကောင်းလေသန့် ရရှိခြင်း၊ ဆုိုတာတွေဟာ အရေးကြီးသလုို စိတ်ပုိုင်းဆုိုင်ရာအရလဲ ရုိုးသားဖြောင့်မတ်ခြင်း၊ သစ္စာရှိခြင်း၊ ကူညီစောင့်ရှောက်ခြင်း၊ သမာသမတ်ကျခြင်းတုို့ ဟာ ကံရာသီဖွားများ အဓိက ရှာဖွေတဲ့ အချက်များ ဖြစ်ပါတယ်။
ငွေကြေးသုံးစွဲရာတွင် လွန်စွာကျစ်လစ်ပြီး ချွေတာစုဆောင်းရတာကုို ၀ါသနာပါပါတယ်။ မလုိုအပ်ပဲမ၀ယ်၊ မသုံးပဲ အရေးကြီးတဲ့ကိစ္စမျိူးမှာသာ ငွေကြေးကုို ရင်းနှီးမြုပ်နှံလေ့ရှိကြပါတယ်။

ကန်ရာသီဖွားတို့ရဲ့ အချစ်ရေး၊အိမ်ထောင်ရေး
အမျိုးသားရော၊ အမျိုးသမီးများပါ ဆန့် ကျင်ဖက်လိင်တွေနဲ့ ရောထွေးယှက်တင်၊ လုပ်တတ်တာမျိူးကုို ကန်ရာသီဖွားများမှာ မတွေ့ ရတတ်ပါဘူး။ သီးသီးသန့် သန့် နေထုိုင်ပြီး စတွေ့ ခါစမှာ လူတွေကုို စေ့စေ့စပ်စပ်အကဲခတ်လေ့ ရှိပါတယ်။ သေချာမှ လှိုက်လှိုက်လှဲလှဲ ပေါင်းသင်းလေ့ ရှိပါတယ်။ အလွန်ရှက်တတ်တဲ့ အတွက် အချစ်ရေးမှာ သူတုို့ ဖက်က စသူများအနေနဲ့ တွေ့ ရခဲပါတယ်။
ကံရာသီဖွား ယောင်္ကျားလေးများ ချစ်သူအိမ်ထောင်ဖက် ရွေးချယ်တဲ့ အခါ လျပ်ပေါ်လော်လီသော မိန်းကလေးများကုို ဝေးဝေးက ရှောင်ကြဉ်လေ့ ရှိပါတယ်။ သူတုို့ အတွက် အလှအပဆုိုတာ ပြစ်မျုိုးမှဲ့ မထင်ဆုိုတာမျုိုး ဖြစ်တတ်ပြီး စိတ်ထားလှဘုို့ ၊ အဆင့်အတန်းမြင့်မြင့် နေထုိုင်တတ်ဘုို့ ဟာ အလွန်အရေးပါလှပါတယ်။
ဇီဇာကြောင်၊ ချီးဂျွတ်များတတ်လွန်းလုို့ လည်း ကန်ရာသီဖွားများဟာ ဘ၀လက်တွဲဖေါ်ရှာတဲ့အခါမှာ လုိုချင်တဲ့ ဖူးစာဖက်တွေ့ဘုို့ အလွန်ခက်ခဲလှပါတယ်။ ကံရာသီဖွား မိန်းကလေးများ အိမ်ထောင်ဖက် ရွေးချယ်ရာမှာ ပညာတတ်၊ ရုပ်ချော၊ ဥစ္စာပေါ၊ ဖြစ်ရူံနဲ့ မလုံလောက်ပဲ၊ လူမှုရေး၊ နုိုင်ငံရေး၊ ဘာသာရေး၊ ညဏ်ပညာထက်မြက်ခြင်း စသည်ဖြင့် အဖက်ဖက်က လှည့်ပါတ်စဉ်းစားတတ်လုို့ ကန်ရာသီဖွားများဟာ နောက်ဆုံးမှာ အရွေးလွန်ပြီး လူမှားရွေးချယ်တတ်ကြပါတယ်။
အနောက်တုိုင်း နက္ခတ္တပညာရှင်တွေကတော့ ကန်ရာသီဖွားများဟာ လက်တွေ့ အလွန်ကျတဲ့အတွက် နောက်ဆုံးမှာ ငွေကြေးပြည့်စုံပြီး ရေရှည်အတွက်စိတ်ချရမဲ့သူများကုို ရွေးချယ်လေ့ရှိတယ်လုို့ ဆုိုပါတယ်။ တချိူ့ ကတော့ ကန်ရာသီဖွား မိန်းကလေးများကုို ပထမဦးဆုံးအကြိမ် ချိန်းဆုိုတဲ့ အခါမှာ မာစီဒီးနဲ့ သွားကြိုပါလုို့ အကြံပေးထားပါတယ်။
 ကန်ရာသီဖွားနဲ့ ထာဝရ ချစ်သူ (သုို့ မဟုတ်) မိတ်ဆွေဖြစ်လုိုတယ်ဆုိုရင် အဆင့်အတန်းမြင့်မြင့် ပြောတတ်၊ဆုိုတတ်၊ နေထုိုင်ဝတ်စားတတ်ဘုို့ ၊ ရုိုးသားဖြောင့်မတ်ဖုို့ ၊ ဘ၀တက်လမ်းအတွက် အမြဲကြိုးစားနေဘုို့ ဆုိုတဲ့ အရာတွေဟာ မရှိမဖြစ်လုိုအပ်တဲ့ ကိစ္စတွေဖြစ်ပါတယ်။ တဖက်သားကုို ဂရုစုိုက်ရွေးချယ်တတ်သလုို သူတုို့ ကုိုယ်တုိုင်လည်း အမြဲတုိုးတက်အောင်ကြိုးစားနေတတ်သူများဖြစ်ပါတယ်။ ဘယ်သောအခါမှ ပြီးပြည့်စုံတယ်ရယ်လုို့ မရှိတဲ့အတွက် အပျော်အပါးနည်းပါးပြီး စည်းစံနစ် ကျလွန်းသူ၊ ပျင်းစရာကောင်းသူများအဖြစ် အမြင်ခံရပြီး အနောက်တုိုင်းမှာ ကံရာသီဖွားများကုို ရွေးချယ်လုိုသူ နည်းပါးပါတယ်။
ကံရာသီဖွားတွေရဲ့ ကောင်းတဲ့အချက်ကတော့ ရုိုးသားဖြောင့်မတ်ခြင်းနဲ့ အိမ်ထောင်ဖက်အပေါ် သစ္စာရှိရှိပေါင်းသင်းတတ်ခြင်းဖြစ်ပါတယ်။ သုို့ သော်လည်း အလွန်လက်တွေ့ ကျသူများဖြစ်လုို့ ဘယ်လုိုကိစ္စကုိုမဆုို ဦးဏှောက်အလွန်အကျွံ သုံးစဉ်းစားရာကနေ ခံစားချက်မပါတဲ့ သူများအဖြစ် ပြောင်းလွဲသွားတတ်ပါတယ်။ ဥပမာ အိမ်ထောင်ရေး၊ အချစ်ရေးတွင် သစ္စာဖေါက်သူကုို လုံးဝခွင့်မလွှတ်ရသော အဓိကအကြောင်းအရင်းမှာ အချစ်ရေး ခံစားချက်နင့်လုံးဝမသက်ဆုိုင်တတ်ပဲ ကျန်းမာရေး၊ လူမှုရေး  စီးပွားရေး၊ ကိစ္စများနဲ့ သက်ဆုိုင်ပါတယ်။ ခေါင်းမာပြီး သွေးအေးအေးနဲ့ ဆုံးဖြတ်တတ်လုို့  အိမ်ထောင်ဖက်၊ သုို့ မဟုတ် ချစ်သူရည်းစားကုို စိတ်လည်ပြီး ပြန်ပေါင်းသူများအဖြစ် တွေ့ ရလေ့ မရှိပါဘူး။

ကန်ရာသီဖွားတို့ရဲ့ အလုပ်အကိုင်များ
ကံရာသီဖွားအများစုကုို အနုပညာသည်များ၊ ရုပ်ရှင်ဒါရုိုက်တာများ၊ ရုပ်ရှင်မင်းသား မင်းသမီးများ၊ စာရေးဆရာ၊ ပန်းချီဆရာ၊ စာရင်းကုိုင်၊  ကျောင်းဆရာ၊ ၊နှစ်သိမ့်ဆွေးနွေးအကြံပေးသူများ၊ ရုံးဝန်ထမ်းများအဖြစ်တွေ့ ရတတ်ပါတယ်။

 ကန်ရာသီဖွားထင်ပေါ်ကျော်ကြားသူများ
 နေတုိုး၊ မယ်လုိုဒီ၊ နန်းစုရတီစုိုး၊ စုိုးမြတ်သူဇာ၊  Leo Tolstoy, Michael Jackson, Richard Gere, Mother Teresa, Hugh Grant